« Clamor, de Sandra Hurtado-Ròs, preséncia indefugibla, votz qu’òm oblida pas. Sandra, que canta tanben en castelhan, a enregistrat fòrça cançons en occitan, per sos pròpris disques o per « La Tròba », la granda antologia cantada dels Trobadors, l’òbra màger del Gerard Zuchetto. Aqueste CD(1) sona coma lo de la plenitud per aquesta cantatritz (soprano) e compositritz que jòga de mai d’un instrument. Votz e musica son admirablas, e l’interpretacion esmòu. L’artista sap causir sos tèxtes (Bardon, Surre-Garcia, Machado, García Lorca, Lassaca, Miguel Hernández, Zuchetto) e los servís amb un grand talent. S’entend que non s’acontenta de çò que ja sap far : cèrca, va mai luènh, en s’afirmant cada còp mai coma una artista d’excepcion. »
(1) Idem.
Un salut d’Adonis à Alem Surre Garcia :
« Cher ami, je vous remercie vivement pour votre « Miroir des idolâtres ».
C’est un lexique révolté et salutaire pour célébrer l’infini du corps, et pour saluer sa « liberté libre ». Bien à vous, Adonis ».
Feriol Macip Bonet – Lo Diari – Mai 2020
« Ven tot just de paréisser a las edicions Tròba Vox, lo darrièr album de la cantadora e compositritz Muriel Batbie Castell: Par tous les chemins. S’agís efectivament d’una aventura per mai d’un camin, e per mai d’una lenga, que se concretizèt per aquela artista de tria. A l’origina, èra un libre del meteis nom: Par tous les chemins, Florilège poétique des langues de France (edicions Le Bord de l’Eau). Aquela antologia de la poesia contemporanèa en sièis lengas (alsacian, basco, breton, catalan, còrs, occitan) es pareguda en 2019, e los coordinators, Marie-Jeanne Verny e Norbert Paganelli, demandèron a Muriel Batbie Castell de ne crear un recital, en tota libertat de causida dels tèxtes per la mesa en musica. La presentacion de l’obratge e lo recital foguèron presentats primièr al CIRDÒC, e es aquí que comencèt l’aventura. Lo recital viatgèt en Occitània per festenals, en Corsega, al Bascoat. E un jorn, après un concèrt pel festenal Les Troubadours chantent l’art roman, lo director d’aqueste festenal, Gerard Zuchetto, foguèt estrambordat e prepausèt a la cantadora de ne far un album amb son ostal d’edicion Troba Vox. Aquí doncas lo trabalh, de descobrir d’urgéncia: 17 títols, 17 poetas cantats en sièis lengas (çò que demandèt a la cantadora un brave trabalh lingüistic tanben) amb d’univèrses cambiadisses, susprenents, e sempre d’una beltat embelinaira !
L’artista, amb la votz que li sabèm, rica e plena de sensibilitat, siá s’acompanha a la guitarra, siá canta a cappella, e per la màger part de las òbras, es aicí acompanhada d’una arpista, Anne-Claire Cazalet, que pòrta a l’obratge una beltat e un ambient oniric delicioces. »
CD Par tous les chemins Muriel Batbie Castell éditions Tròba Vox TR053
2020 – Silveressence
